Blog

工作日誌-門鎖的最後防線

啱啱有把好似小朋友嘅聲音打黎搵開鎖，一打黎就問，過黎將軍澳開鎖要幾耐，好趕!

我問:你而家係咩情況？冇鎖匙？唔見鎖匙？有鎖匙開唔到？
佢話:漏左鎖匙喺房，閂埋門就鎖左，屋企人啱啱返晒工，我趕住出門口，你可以幾耐到？
我:我啱啱都喺將軍澳，要過黎十分八分鐘啫
佢:好，師父你而家過黎啦，我地址係…..
我直覺上要小心啲:我價錢都未講，而且要了解多啲，你有冇WhatsApp？可否send張相我睇睇？嗱，我而家即刻加你WhatsApp，你影完我就send俾我，用多十零二十秒時間啫

一睇張相就知有古怪，經驗話我知，這間房間不屬於電話中的那位
(我再測試佢，已經可以肯定佢係有問題)

我:開鎖須要登記個人資料，開鎖前你要出示有效個人資料俾我作登記
佢:我..啲文件喺房，要開左先俾到你
都估到佢會咁講，我試探佢咁話:而且呢把鎖要破壞先開到門，開完鎖要配鎖，可能要第二日再上來安裝
佢:咁…我一陣再打黎丫(當然唔敢再打黎)

作為鎖匠係門鎖的最後防線，稍有判斷錯誤，便會成為不法之徒的工具…