工作日誌-門鎖的最後防線 Post author:admin Post published:2019-06-27 Post category:開鎖文章 啱啱有把好似小朋友嘅聲音打黎搵開鎖,一打黎就問,過黎將軍澳開鎖要幾耐,好趕!我問:你而家係咩情況?冇鎖匙?唔見鎖匙?有鎖匙開唔到?佢話:漏左鎖匙喺房,閂埋門就鎖左,屋企人啱啱返晒工,我趕住出門口,你可以幾耐到?我:我啱啱都喺將軍澳,要過黎十分八分鐘啫佢:好,師父你而家過黎啦,我地址係…..我直覺上要小心啲:我價錢都未講,而且要了解多啲,你有冇WhatsApp?可否send張相我睇睇?嗱,我而家即刻加你WhatsApp,你影完我就send俾我,用多十零二十秒時間啫 一睇張相就知有古怪,經驗話我知,這間房間不屬於電話中的那位(我再測試佢,已經可以肯定佢係有問題)我:開鎖須要登記個人資料,開鎖前你要出示有效個人資料俾我作登記佢:我..啲文件喺房,要開左先俾到你都估到佢會咁講,我試探佢咁話:而且呢把鎖要破壞先開到門,開完鎖要配鎖,可能要第二日再上來安裝佢:咁…我一陣再打黎丫(當然唔敢再打黎)作為鎖匠係門鎖的最後防線,稍有判斷錯誤,便會成為不法之徒的工具… You Might Also Like 壞鎖困人 心急如焚 2019-09-18 工作日誌-電子鎖壞鎖 2019-06-23 工作日誌-電子鎖換鎖芯 2019-12-04